काठमाडौँ — देशका विभिन्न जिल्लाबाट न्यायको माग गर्दै सरकारलाई दबाब दिन काठमाडौं आएका मिटरब्याज पीडितहरूले मंगलबार शान्ति वाटिकादेखि बालुवाटारसम्म र्याली निकालेका छन् । काठमाडौंको शान्ति वाटिकामै रात कटाएका पीडितहरूले 'मजदुर मार्च'को नाममा बालुवाटारसम्म मार्च पास गरेका हुन । मंगलबार दिउँसो १ बजेदेखि पैदलयात्रा सुरु गरेका उनीहरूको मार्च पास बालुवाटारस्थित विरोध सभामा परिणत भएको थियो । सरकारले पहिले गरेका सम्झौता पालना नगरेको र नयाँ सहमति पनि फितलो भएको भन्दै देशका विभिन्न २० जिल्लाका सयौं मिटरब्याज पीडितहरू सोमबार काठमाडौं आइपुगेका हुन् । ११ दिनको पैदलयात्रापछि गत साता बर्दिबासबाट हिँडेर काठमाडौं आएका पीडितहरूसँग सरकारले चैत १८ गरेको सहमति पनि फितलो भएको भन्दै दबाब दिन पीडितहरू काठमाडौं आएका हुन् । सोमबार दिउँसो भद्रकालीमा प्रदर्शन गरेका उनीहरू राति भने शान्ति वाटिकामै खाना पकाएर त्यहीँ सुतेका थिए । देशभरका मिटरब्याज पीडितहरूको समस्या समाधान गर्ने भन्दै सरकारले पटकपटक सम्झौता गरे पनि सरकारका तर्फबाट पालना भएको छैन जसले गर्दा आन्दोलन जारी छ ।
यो खबर पढेर तपाईलाई कस्तो महसुस भयो ?
Related Posts
ताजा समाचार
3 weeks ago
1 month ago
2 months ago
3 months ago
