राष्ट्रिय महिला क्रिकेट टोलीले टी–२० सिरिजमा पहिलो उपाधि।

नेपाल–महिला टी–२० सिरिजको फाइनल खेलमा नेपालले हङकङलाई १३ रनले पराजित गरेको छ। नेपाल र हङकङबीचको खेललाई वर्षा बाधक भएपछि खेलको डकवर्थ लुइस पद्दतिअनुसार विजेता घोषणा गरिएको थियो।टस हारेर ब्याटिङ गरेको हङकङले नेपाललाई १ सय २ रनको लक्ष्य दिएको थियो।निर्धारित २० ओभरमा ६ विकेट गुमाएर हङकङले १०१ रन बनाउन सफल भयको थियो। जवाफी ब्याटिङमा आएको नेपालले ५.३ ओभरमात्रै खेल्न पायो।पानीले खेल स्थगित भएको थियो। नेपालले परिमार्जित २५ रनको लक्ष्य पाएको थियो । जसमा ५.३ ओभरमा १ विकेटसहित ३७ रन बनाएपछि नेपालले १३ रनको विजय हासिल गर्न सफल भएको थियो।यो जित नै नेपाली राष्ट्रिय महिला टोलीले पहिलो उपाधि पाएको छ।नेपालले समूह चरणको पहिलो खेलमा हङकङलाई ६ विकेटले तथा दोस्रो खेलमा कुवेतलाई ३४ रनले पराजित गरेको थियो भने अन्तिम खेलमा मलेसिायासित ६ विकेटले पराजित भएको थियो।हङकङ पहिलो खेलमा नेपालसित ६ विकेटले पराजित भएको थियो भने दोस्रो खेलमा मलेसियालाई १० विकेटले तथा तेस्रो खेलमा कुवेतलाई १६ रनले हराएको थियो। नेपाल र हङकङ रनरेटका आधारमा फाइनलमा प्रवेश गरेका हुन् ।आयोजक मलेसियासहित नेपाल, हङकङ र कुवेत महिला टी–ट्वान्टी सिरिजमा सहभागी भएका थिए । यही अगष्ट ३१ तारिखदेखि मलेसियामै हुने आइसिसी महिला टी–२० विश्वकप एसिया क्वालिफायरको तयारीस्वरुप नेपालले उक्त सिरिज खेलेको थियो।