क्रिकेट विश्वकप छनोटमा नेपालले आयोजक जिम्बावे र वेस्ट इन्डिजविरुद्ध खेल्ने ।

May Tue 2023 02:30:30

नेपाल–नेपाली राष्ट्रिय क्रिकेट टिमले विश्वकप क्रिकेट छनोटमा आयोजक जिम्बावे र वेस्ट इन्डिजसँग खेल्ने भएको छ। आइसीसीले भारतमा हुने विश्वकप क्रिकेटको छनोट खेलको तालिका सार्वजनिक गरेको छ। जसमा नेपालले पहिलो खेल जिम्बावेविरुद्ध खेल्ने भएको हो। तालिकाअनुसार नेपालले असार ७ गते जिम्बावेसँग खेल्नेछ। त्यस्तै दोस्रो खेल अमेरिका विरुद्ध असार ५ गते खेल्नेछ भने असार ७ गते वेस्ट इन्डिजविरुद्ध खेल्नेछ। नेपालले समूह चरणको अन्तिम खेल असार ९ गते नेदरल्यान्ड्स विरुद्ध खेल्नेछ। समुह चरणको खेलअघि नेपालले दुइटा अभ्यास खेल खेल्ने भएको छ। नेपालले जेठ ३० गते युएईविरुद्ध र जेठ ३२ गते ओमानविरुद्ध अभ्यास खेल खेल्नेछ। राष्ट्रिय खेलकुद परिषद (क्यान)ले जिम्बावे टूरका लागि नेपालको प्रारम्भिक टोली सोमबार घोषणा गरेको छ। टोलीमा रोहित पौडेलको कप्तानीमा २२ जना समेटिएका छन्।