राजदूतहरुको देश दौडाहा किन ?

Dec Mon 2022 01:36:13

नेपालका लागि अमेरिकी र बेलायती राजदूतले काठमाडौं छाडेका छन् । अमेरिकी कूटनीतिज्ञ डिन थम्पसन सुर्खेत र बेलायती निकोला क्याथरिन पोलिट नेपालगञ्ज गएका हुन ।

बेलायती राजदूत भने दिउँसो साढे २ बजे यति एअरलाइन्सको उडानबाट नेपालगञ्ज गएका हुन । तर राजदुतको भ्रमणबारे बेलायती दूतावासले थप जानकारी कहि दिएको छैन ।

नेपालका लागि अमेरिकी राजदूत डिन थम्पसन आज कर्णाली र लुम्बिनी प्रदेशको भ्रमणमा सुर्खेत गएका हुन । श्रीमती र अमेरिकी सहयोग नियोग युएसएड नेपालका निर्देशक सेपिडे केभान्साडसँगै काठमाडौंबाट बिहान त्यता गएका थिए ।

दुतावासका अनुसार कर्णाली र लुम्बिनी प्रदेशमा अमेरिकी नियोगको सहयोगमा सञ्चालित परियोजनावारे जानकारी लिने कार्यक्रम छ । अमेरिकी राजदूत थम्पसन नेपालमा राजदूतको जिम्मेवारी सम्हाल्न आएपछि राजधानी काठमाडौँ बाहिर गएको यो नै पहिलो पटक हो ।