जेन जी आन्दोलनमा हुने धोका विरुद्ध १० राजनीतिक पार्टीको संयुक्त विज्ञप्ति

नेपाल-भाद्र २३ गते जेन जी सहितको जनविद्रोहले सिङ्गो देशलाई हल्लाई दिएको थियो । उक्त विद्रोहले विद्यमान व्यवस्थाका सवै अङ्गलाई धरासायी वनाएको छ । न्यायपालीका, कार्यपालीका र व्यवस्थापीका लगाएतका सयौँ भौतिक संरचना ध्वस्त भएका छन् भने प्रधान मन्त्रि केपी वली वालुवाटार छोडेर भाग्न वाध्य भए । ठुला नेताहरुका निवास जलेर खाग बनेकाछन् । हाल सम्म आन्दोलनमा ५१ जनाले ज्यान गुमाएका मध्य ४१ जनाको सनाखत भएको अधिकारीहरुले वताएकाछन् । जेन जी आन्दोलनका मुख्य मुद्दा ओझेलमा पार्ने सडयन्त्र भएको भन्दै १० राजनीतिक पार्टीहरुले २६ गते संयुक्त प्रेस विज्ञप्ति निकालेर विरोध जनाएकाछन् । संयुक्त विज्ञप्तिमा २७ गते आन्दोलनका योद्धाहरुको सम्झनामा देशैभरी दिप प्रज्वलन गर्ने २८ गते विरोध सभा गर्ने र २९ गते अन्तरक्रिया कार्यक्रम गर्ने उल्लेख गरिएको छ ।विज्ञप्तिमा भनिएको छ भ्रष्टाचार, कुशासन, एकाधिकारवाद जस्ता निरङकुशवादी प्रवृत्तिको अन्त्य गरी राजनीतिक स्थिरता, सामाजिक रुपान्तरण, शान्ती, समृद्धि र स्वाधिनता स्थापना गर्न ऐतिहासिक, अद्वितिय र विशिष्ट आन्दोलनको रुपमा अगि बढेको थियो । विगत लामो समयदेखि हामी कम्युनिष्ट पार्टीहरुले देशका यावत समस्या अन्त्य गर्नका लागि संघर्ष गर्दा पनि सरकार अझ बढी जनविरोधी हुँदै गएपछि यसप्रकारको आन्दोलन अनिवार्य भएको थियो । भदौ २४ गते जसरी सिंहदरबार, सर्वोच्च अदालत लगायतका सरकारी संरचना खरानी बनाईयो, राष्ट्रिय सम्पत्ति र दस्तावेज खरानी पारियो त्यो सबै हेर्दा जेन–जीको अग्रगामी नेतृत्व पश्चगामी षड्यन्त्रबाट अपहरण गरिएको स्पष्ट भयो ।  पूँजीवादी व्यवस्थाको शोषण उत्पीडनले अत्याधिक प्रताडित जेनजी, अथवा नेपाली समाजको सबै जेनेरेशनको आवस्यकता पश्चगमन र यथास्थिति होईन, व्यापक राजनीतिक, आर्थिक, सामाजिक, पुनर्सरचना सहितको आधुनिक नेपाल निर्माण हो । वर्तमान राजनीतिक गतिरोधको अन्त्य गरी जेनजीले उठाएका वास्तविक मुद्धा सम्बोधन गर्न र नयाँ आधारमा जनताका लागि देशका बहुसंख्यक श्रमजीवी, सर्वहारा, उत्पीडित जनताको भलाई गर्ने जेनजी सहितको मजदुर किसान, सेना, प्रहरी,  बुद्धिजीवी, देशभक्त, जनवादी, क्रान्तिकारी, प्रगतिशीलहरुको स्वाधीन अन्तरिम संयुक्त सरकार निर्माण आवस्यक भएको छ । नेपाली जनताको लामो आन्दोलनबाट प्राप्त भएका सिमित अधिकार सहितको नागरिक सर्वोच्चता अपहरण भएको वर्तमान राजनीतिक परिस्थिति अन्त्य गर्न राजनीतिमा उदियमान नयाँ पुस्ताको नेतृत्व निरन्तर आईरहने नीति र विधि सुनिश्चित गर्ने बाटोमा अगिबढ्न स्वाधीन अन्तरिम संयुक्त सरकार निर्माणका लागि देशभक्त, जनवादी, क्रान्तिकारी, शक्तिहरुमा हामी हार्दिक अपिल गर्दछौ । मुक्ति संयोजक रहेको ग्रेटर नेपाल कम्युनिस्ट पार्टी नेपाल कम्युनिष्ट पार्टी (बहुमत) - धर्मेन्द्र बास्तोला “कन्चन”  वैज्ञानिक समाजवादी कम्युनिष्ट पार्टी नेपाल - आहुति नेपाल कम्युनिष्ट पार्टी  - बसन्त बोगटी अखिल नेपाल कम्युनिष्ट पार्टी - नारायण शर्मा “ समाजवादी कम्युनिष्ट पार्टी नेपाल - पूर्ण बहादुर सिंह "समरजंग" श्रमिक जनता पार्टी नेपाल - दुर्गा बराइली “संघर्ष” वसन्त  नेकपा (बिद्रोही) – विके सिंङ नेपाली,  नेकपा (क्रान्तिकारी) - अरुण घिसिङ रेडफोर्स नेपाल - मार्शल रहेकाछन् । फोटो अनलाइन खवर वाट ।