भारी वर्षाले दाङ देउखुरी क्षेत्र डुबानमा।
नेपाल–भारी वर्षाका कारण दाङको देउखुरी क्षेत्रका
केही स्थान डुबानमा परेका छन्।गएरातिदेखि लगातार परेको पानीका कारण देउखुरीका लमही
नगरपालिका,गढवा र राजपुर गाउँपालिकाका विभिन्न ठाउँहरु
डुबानमा परेको अधिकारीहरुले बताएका छन्। लमहीको सुनडबरी, राजपुर ५ भुर्कीहवामा केही घर ठाउँ डुबानमा
परेका हुन त्यस्तै लमही- ३ कौडिया (कान्तिपुर गाउँ)का घर
डुबान परेका र दुईवटा घरबाट सशस्त्र प्रहरी बल नं. ४१ रिजर्भ गण अर्जुनखोला
(कपिलवस्तु)ले उद्धार गरेको थियो।जल तथा मौसम विज्ञान विभागले सार्वजनिक सूचना
जारी गर्दै पछिल्लो समयमा भारी वर्षा भएका कारण राप्ती र बबईलगायत अन्य नदीहरूको
जलसतह बढ्न सक्ने भन्दै सतर्क रहन अपील गरेको छ।दाङका बगासोती, लालमटिया, घोराही, शुक्रबारे, भालुबाङ, लमही, रातामाटा लगायत स्थानमा भारी वर्षा मापन गरिएको छ।